ՊՍԺ-ի հարձակվող Կիլիան Մբապպեն կարող է Լիգա 1-ից տեղափոխվել Պրեմիեր Լիգա։ Այս մասին հայտնում են AS-ի լրագրողները։ 24-ամյա աստղային հարձակվողի ծառայություններով հետաքրքրված է «Լիվերպուլը»։
Մերսիսայդցիներն ակտիվացել են Մբապպեի նկատմամբ այն լուրից հետո, որ Մադրիդի «Ռեալը» որոշել է հրաժարվել ֆուտբոլիստի համար պայքարից։ Անգլիական գրանդը պատրաստ է պայքարել Կիլիանի համար, որին հավակնում է նաև Մյունխենի «Բավարիան»:
Ֆրանսիացու պայմանագիրը փարիզյան ակումբի հետ նախատեսված է մինչև հաջորդ տարվա կեսերը։ Կիլիանի տրանսֆերային արժեքը 180 միլիոն եվրո է։
