«Ռոմայի» հարձակվող Պաուլո Դիբալան կարող է տեղափոխվել Սաուդյան Արաբիա։
Ինչպես հայտնում է ինսայդեր Էկրեմ Կոնուրը՝ արգենտինացու նկատմամբ հետաքրքրություն են ցուցաբերում Սաուդյան Արաբիայի առաջնությունը ներկայացնող երկու ակումբ։ Տրանսֆերը կարող է կայանալ ձմեռային տրանսֆերային պատուհանի բացվելուց հետո։
Ըստ աղբյուրի՝ պոտենցիալ գնորդները պատրաստ են մոտ 35 միլիոն եվրո առաջարկել 29-ամյա ֆուտբոլիստի համար։
Պաուլո Դիբալայի պայմանագիրը «Ռոմայի» հետ նախատեսված է մինչև 2025 թվականը: Այս մրցաշրջանում հարձակվողը Ժոզե Մոուրինյոյի թիմի կազմում մասնակցել է յոթ հանդիպման՝ դառնալով երկու գոլի և երկու գոլային փոխանցման հեղինակ։