«Մանչեսթեր Յունայթեդի» ֆուտբոլիստներն ավելի ու ավելի են կասկածում թիմի գլխավոր մարզիչ Էրիկ տեն Հագի աշխատանքային մեթոդներին։
Բացի այդ, խաղացողները սկսում են դժգոհություն ցուցաբերել միմյանց նկատմամբ, հայտնում է Manchester Evening News-ը։
Աղբյուրի համաձայն՝ «Մանչեսթեր Յունայթեդի» որոշ խաղացողներ կարծում են, որ Տեն Հագը հակված է պաշտպանել որոշ խաղացողների, մինչդեռ մյուսներին քննադատել է, թեև ոչ հրապարակավ:
2023/24 մրցաշրջանի առաջին 15 հանդիպումներից «կարմիր սատանաները» պարտվել են ութում։ Պրեմիեր Լիգայի 10 տուրից հետո «Մանչեսթեր Յունայթեդը» 15 միավորով զբաղեցնում է մրցաշարային աղյուսակի ութերորդ հորիզոնականը։
