«Մանչեսթեր Յունայթեդի» գլխավոր մարզիչ Էրիկ տեն Հագը դիմել է թիմի երկրպագուներին։
«Շնորհակալություն մեզ աջակցելու համար։ Այս դժվարին պահերին դուք դեռ աջակցում եք մեզ։ Այս պահին մենք դրան արժանի չենք, քանի որ լավագույնս չենք հանդես գալիս։ Մենք փորձում ենք։
Բայց բարձրակարգ ֆուտբոլում փորձելը բավարար չէ։ Մենք դա գիտենք։ Մենք պետք է ամեն ինչ ավելի լավ անենք ու բարձրացնենք մեր չափանիշները»,- մարզչի խոսքերն է մեջբերում «Մանչեսթեր Յունայթեդի» պաշտոնական կայքը։
Անգլիական լիգայի գավաթի խաղարկության 1/8-րդ եզրափակչում «Մանչեսթեր Յունայթեդը» պարտվեց «Նյուքասլին» 0-3 հաշվով և դուրս մնաց մրցաշարից։ Նախկինում մանկունիանցիները Պրեմիեր Լիգայի 10-րդ տուրի խաղում նույն հաշվով պարտվել էին «Մանչեսթեր Սիթիին»։
