Թուրինի «Յուվենտուսը» կարողացավ հաղթել «Միլանին»։ Մասիմիլիանո Ալեգրեի թիմը արտագնա խաղում նվազագույն հաշվով հաղթանակ տարավ։
«Ծեր սինյորայի» կիսապաշտպան Ադրիեն Ռաբյոն գոհ է հաջողությունից, նա հաղթանակը շատ կարևոր է համարում, քանի որ վերջին տարիներին «Յուվենտուսը», որպես կանոն, զիջում էր «Միլանին»։
«Սա կարեւոր հաղթանակ է, մենք ուզում էինք ցույց տալ, որ կանք, որ մեզ չպետք է թերագնահատեն։ Մենք այս մրցաշրջանում Չեմպիոնների Լիգայի ուղեգիր նվաճելու նպատակ ունենք, և նման հանդիպումները շատ կարևոր են մեր նպատակին հասնելու համար:
Մենք շատ լավ խաղացինք, խաղադաշտում ոչ մի սանտիմետր չզիջեցինք, բոլոր հանդիպումները պետք է անցկացնել այս տրամադրվածությամբ»,- Ռաբյոի խոսքերն է մեջբերում juvenews.eu-ն։
