ՊՍԺ-ի գլխավոր մարզիչ Լուիս Էնրիկեն խոսել է եզրային հարձակվող Ուսման Դեմբելեի խաղի մասին։
«Իմ կարծիքով, Դեմբելեն յուրահատուկ խաղացող է, մենք պետք է օգտվենք այն առավելություններից, որոնք նա տալիս է մեզ։ Ինձ չի հետաքրքրում այն փաստը, որ նա շատ գոլեր կամ գոլային փոխանցումներ չի կատարում: Նա ստեղծում է թվային գերազանցություն, ընդունում է երեք հակառակորդի և տարածություն է բացում իր թիմակիցների համար։ Ես սիրահարված եմ նրա խաղին»,- Էնրիկեի խոսքերն է մեջբերում Goal-ը։
26-ամյա ֆուտբոլիստը դեռ գոլ չի խփել փարիզեցիների կազմում։ 50 միլիոն եվրոյով «Բարսելոնայից» գնված ֆրանսիացին այս մրցաշրջանում երկու գոլային փոխանցում է կատարել 10 խաղում։
