«Լիվերպուլի» գլխավոր մարզիչ Յուրգեն Կլոպը հիացել է հարձակվող Մոհամեդ Սալահի խաղով Պրեմիեր Լիգայի 9-րդ տուրի «Էվերթոնի» հետ խաղում (2:0)։
«Այն, ինչ ինձ ամենաշատն է դուր գալիս։ Դա նրա անհավանական վիճակագրությունն է: Նրա կատարումը բացարձակապես հիանալի է, ուղղակի խենթ: Սալահը երբեք կանգ չի առնի, դա նրա բնավորությունն է: Սա հիանալի է մեզ համար»,- Կլոպի խոսքը մեջբերում է «Լիվերպուլի» պաշտոնական կայքը։
Այս հանդիպմանը ֆուտբոլիստը 75-րդ րոպեին անվրեպ իրացրեց 11 մետրանոցը, իսկ 90+7-րդ րոպեին դարձավ դուբլի հեղինակ։
