Գերմանիայի հավաքականի գլխավոր մարզիչ Յուլիան Նագելսմանը հայտնել է, որ կիսապաշտպան Իլկայ Գյունդողանը կմնա ազգային հավաքականի ավագը։

«Իլկայը կմնա թիմի ավագը։ Կարևոր է, որ մենք շարունակականություն ունենանք»,- Նագելսմանին է մեջբերում Bild-ը։

Հիշեցնենք, որ 2016 թվականից ազգային հավաքականի ավագը «Բավարիայի» դարպասապահ Մանուել Նոյերն է։ Վնասվածքի պատճառով 37-ամյա դարպասապահը խաղադաշտ դուրս չի եկել նախորդ տարվանից։ Գյունդողանն ազգային հավաքականում ավագի թևկապը ստացել է այս տարվա սեպտեմբերին։