«Բավարիայի» հարձակվող Թոմաս Մյուլերը «Ֆրայբուրգի» հետ 7-րդ տուրի հանդիպումից հետո (3:0) կրկնել է թիմակից Մանուել Նոյերի ձեռքբերումը Բունդեսլիգայում տարած հաղթանակների քանակով, հայտնում է OptaFranz-ը։
Աղբյուրի համաձայն՝ այս հաղթանակը 322-րդն էր Մյուլերի կարիերայում (448 հանդիպում Բունդեսլիգայում)։ Նույնքան հաղթանակ ունի Նոյերը (478 հանդիպում)։
34-ամյա Մյուլերը «Բավարիայում» հանդես է գալիս 2009 թվականից։ Այս մրցաշրջանում ֆուտբոլիստը մասնակցել է Գերմանիայի առաջնության վեց հանդիպման, որոնցում դարձել է երկու գոլային փոխանցման հեղինակ։
Transfermarkt-ը ֆուտբոլիստի արժեքը գնահատում է 12 միլիոն եվրո։
