«Միլանի» նախկին դարպասապահ Նելսոն Դիդան մեկնաբանել է թիմի արդյունքները Ա Սերիայի այս մրցաշրջանում։
«Թիմը դեռ զարգացման փուլում է: Ճիշտ է, արդեն հինգ հանդիպում է անցկացվել, բայց մարզչական շտաբին պետք է ժամանակ տալ աշխատելու։ Պիոլին բազմաթիվ ձեռքբերումներ է կատարել, և ժամանակ է պետք, որպեսզի հասկանա, թե ինչ պաշտոններ կարող է զբաղեցնել նրանցից յուրաքանչյուրը։ Բացի այդ, կան ֆուտբոլիստներ, ովքեր նախկինում չեն խաղացել Իտալիայում, նրանք դեռ չգիտեն, թե ինչ է նշանակում խաղալ Ա Սերիայում»,- Դիդայի խոսքերն է մեջբերում Football Italia-ն։
«Միլանը» Ա Սերիայի այս մրցաշրջանում տարել է 4 հաղթանակ և մեկ խաղում պարտվել՝ 1։5 հաշվով զիջելով «Ինտերին»։ Թիմը Իտալիայի առաջնության մրցաշարային աղյուսակում 12 միավորով երկրորդ տեղում է։
