Դորտմունդի «Բորուսիայի» կիսապաշտպան Ջեյմի Բանո-Գիտենսը կարող է կարիերան շարունակել Պրեմիեր Լիգայում, հայտնում է DeadlineDayLive-ը։

Խոստումնալից ֆուտբոլիստի ծառայություններով հետաքրքրված է Լոնդոնի «Արսենալը»։ Անգլիայի փոխչեմպիոնը կարծում է, որ Բանո-Գիտենսը կարող է ապագայում հասնել Ջուդ Բելինգհեմի մակարդակին, ով ամառային տրանսֆերային պատուհանի ժամանակ տեղափոխվեց Մադրիդի «Ռեալ»։

19-ամյա եզրային հարձակվողը դորտմունդյան թիմում հանդես է գալիս 2022 թվականի ամառվանից։ Կողմերի միջև գործող պայմանագրի ժամկետը նախատեսված է մինչև 2025 թվականի հունիսի վերջը։ Ջեյմիի տրանսֆերային արժեքը գնահատվում է 14 միլիոն եվրո։