Հայտնի դերասան Թոմ Հոլանդը, ով հայտնի է Սարդ-մարդու դերով, պաշտպանել է «Մանչեսթեր Յունայթեդի» և Անգլիայի հավաքականի պաշտպան Հարի Մագուայրը, ում երկրպագուները քննադատել են Շոտլանդիայի դեմ ընկերական խաղում (3:1) ինքնագոլի համար։
«Կարծում եմ՝ աներևակայելի դժվար է պրոֆեսիոնալ մարզիկ լինելը։ Ամեն անգամ խաղադաշտ մտնելիս անընդհատ ճնշումների ես ենթարկվում։ Ես հիացած եմ այն փաստով, որ Հարրին դա անում է ժամանակ առ ժամանակ, չնայած այն, ինչ մարդիկ ասում են նրա մասին: Նա անում է այն ամենը, ինչ կարող է, խաղում է այնքան լավ, որքան կարող է: Կարծում եմ՝ Մագուայրը հիանալի ֆուտբոլիստ է և վերջին տարիներին մեծ ներդրում է ունեցել Անգլիայում։
Այո, նա սխալվեց շոտլանդացիների նկատմամբ, բայց չէր կարող ոտքը չդնել, երբ գնդակը թռչում էր տուգանային հրապարակ: Դա տեղի է ունենում ֆուտբոլում։ Ես իսկապես հիանում եմ Հարիով: Կարծում եմ, որ նա լավ տղա է»,- ասել է Հոլանդը Sky Sports-ին տված հարցազրույցում:
Շոտլանդացիների հետ խաղից հետո Մագուայրին իր աջակցությունն է հայտնել նաեւ Անգլիայի հավաքականի գլխավոր մարզիչ Գարեթ Սաութգեյթը։
