«Մանչեսթեր Սիթիի» հարձակվող Էրլինգ Հոլանդը բարձր է գնահատել կիսապաշտպան Ջուդ Բելինգհեմի խաղը Մադրիդի «Ռեալում»։
«Ի դեպ, ես տեսա Բելինգհեմի անհավանական դեբյուտը «Ռեալում»։ Ես շատ ուրախ եմ նրա համար»,- ֆուտբոլիստի խոսքերն է մեջբերում L’Equipe-ը։
Նշենք, որ «Ռեալը» հաղթել է Լա Լիգայի բոլոր չորս հանդիպումներում։ Մադրիդցիները գլխավորում են մրցաշարային աղյուսակը։ Իսպանիայի առաջնության 4 հանդիպումներում 20-ամյա անգլիացին դարձել է 5 գոլի և 1 գոլային փոխանցման հեղինակ։
