«Բարսելոնայի» կիսապաշտպան Իլկայ Գյունդողանը բացատրել է «Մանչեսթեր Սիթիից» հեռանալու իր պատճառները։
««Մանչեսթեր Սիթիում» բավականին երկար տարիներ անցկացրեցի։ Ի վերջո, դա կատարյալ ավարտ էր, ավելի լավ ժամանակ չէր կարող լինել։ Մանկուց երազել եմ նաև «Բարսելոնայում» խաղալու մասին»,- Գյունդոգանի խոսքերն է մեջբերում Bild-ը։
Հիշեցնենք, որ 32-ամյա գերմանացին ամառային տրանսֆերային պատուհանի ժամանակ պայմանագիր է կնքել «Բարսելոնայի» հետ՝ ազատ գործակալի կարգավիճակով։ Նա «Մանչեսթեր Սիթիում» հանդես է գալիս 2016 թվականից։
