«Ալ-Նասրի» հարձակվող Կրիշտիանու Ռոնալդուն մեկնաբանել է թիմի հաղթանակը Սաուդյան Արաբիայի առաջնության հինգերորդ տուրում «Ալ-Հազմի» դեմ խաղում (5:1)։ Այս խաղում պորտուգալացին դարձավ գոլի եւ երկու գոլային փոխանցման հեղինակ։ Այս գոլը Ռոնալդուի 850-րդ գոլն էր կարիերայում։
«Եվս մեկ հիանալի կատարում։ Մենք շարունակում ենք կատարելագործվել։ 850 գոլ կարիերայում, և դեռ չի ավարտվել ոչինչ»,- գրել է Ռոնալդուն իր Twitter-ում։
Ավելի վաղ հաղորդվում էր, որ Ռոնալդուն աշխարհի նոր ռեկորդ է սահմանել՝ ազգային առաջնություններում խփելով 517 գոլ։
Ռոնալդուն «Ալ-Նասր» է տեղափոխվել 2023 թվականի հունվարին։ Ֆուտբոլիստի պայմանագիրն ակումբի հետ նախատեսված է մինչև 2025 թվականը։ Այս մրցաշրջանում Ռոնալդուն Սաուդյան Արաբիայի առաջնությունում մասնակցել է չորս հանդիպման, որոնցում դարձել է վեց գոլի և չորս գոլային փոխանցման հեղինակ։
