«Այնտրախտի» մարզական տնօրեն Մարկուս Կրեշեն մեկնաբանել է ֆրանսիացի հարձակվող Ռանդալ Կոլո-Մուանիի ՊՍԺ տեղափոխությունը, ում համար փարիզցիները վճարել են ռեկորդային 95 միլիոն եվրո։
«Մենք կցանկանայինք, որ Ռանդալ Կոլո-Մուանին ավելի երկար մնար մեզ հետ, և դա այն է, ինչի մասին մենք խոսում էինք վերջին շաբաթների ընթացքում: Սակայն, ի վերջո, վերջին ժամերին տեղի ունեցած իրադարձությունները և դրանից բխող բիզնես պարամետրերը, որոնք ռեկորդային վաճառքի գումար են ներկայացնում ակումբի համար։
Ուշ կեսօրին, ելնելով ՊՍԺ-ի ֆուտբոլիստին առաջարկած իրավիճակից, մենք հայտարարեցինք, որ առաջարկը ընդունելու պատճառ չունենք և պլանավորում ենք պահել Մուանիին։ Ուշ երեկոյան առաջարկ ստացանք, որից ֆինանսական տեսակետից ուղղակի չէինք կարող հրաժարվել։
Ցանկանում ենք շնորհակալություն հայտնել Ռանդալին նախորդ մրցաշրջանում ցուցադրած խաղի համար»,- Կրեշեի խոսքերն է մեջբերում գերմանական ակումբի պաշտոնական կայքը:
