«Պլատենսեի» պաշտպան Մարկո Պելեգրինոն տեղափոխվել է «Միլան», հայտնում է իտալական ակումբի պաշտոնական կայքը։
21-ամյա արգենտինացու պայմանագիրը նախատեսված է մինչև 2028 թվականը։ «Ռոսոներիների» կազմում նա հանդես կգա 31-րդ խաղային համարի մարզաշապիկով:
Հիշեցնենք, որ Պելեգրինոն «Պլատենսեի» սան է։ Արգենտինական ակումբի կազմում անցկացրել է 17 հանդիպում, որոնցում դարձել է մեկ գոլի հեղինակ։
Transfermarkt-ը պաշտպանի արժեքը գնահատում է 400 հազար եվրո։
