«Մանչեսթեր Յունայթեդի» գլխավոր մարզիչ Էրիկ տեն Հագը հայտնել է, որ ցանկանում է թիմում պահել պաշտպան Ջոնի Էվանսին։ Ամռանը 35-ամյա ֆուտբոլիստը նախամրցաշրջանային կարճաժամկետ պայմանագիր է կնքել։
«Ես կցանկանայի, որ Էվանսը մնար, նոր պայմանագրի քննարկում կա: Մենք բանակցում ենք, և երբ նորություններ ունենանք, դրանք սովորականի պես կհայտարարենք»,- մարզչի խոսքերն է մեջբերում լրագրող Ֆաբրիցիո Ռոմանոն։
Էվանսը «Մանչեսթեր Յունայթեդի» ակադեմիայի սան է։ 198 խաղում նա դարձել է 7 գոլի և 7 գոլային փոխանցման հեղինակ։
