«Մանչեսթեր Յունայթեդը» հետաքրքրված է «Էվերթոնի» կիսապաշտպան Ամադու Օնանայի ծառայություններով, հայտնում է Sky Sports-ը:
Աղբյուրի համաձայն՝ մանկունիանցիները դեռ պաշտոնական առաջարկ չեն արել «Էվերթոնին»։
Նշվում է, որ ակումբը 21-ամյա բելգիացու համար կպահանջի մոտ 60 միլիոն ֆունտ ստերլինգ։
Օնանան «Էվերթոն» է տեղափոխվել «Լիլից» 2022 թվականի ամռանը 35 միլիոն եվրոյի դիմաց:
Նախորդ մրցաշրջանում կենտրոնական կիսապաշտպանը ակումբի կազմում անցկացրել է 35 հանդիպում՝ դառնալով 1 գոլի և 2 գոլային փոխանցման հեղինակ։
