«Ինտեր Մայամիի» համասեփականատեր Դեյվիդ Բեքհեմը խոսել է ամերիկյան ակումբ տեղափոխվելու ժամանակ Լիոնել Մեսսիի մոտիվացիայի մասին.
«Մեսսին հասկանում է, որ մենք երկարաժամկետ նախագիծ ունենք։ Ինձ համար միեւնույն է, եթե մենք պարտվենք Լեոյի հետ առաջին երկու հանդիպումներում։ Ես ուզում եմ հաղթել երկարաժամկետ հեռանկարում: Լեոն ցանկանում է հաղթել։ Խոսեն և Խորխե Մասը («Ինտեր Մայամիի» համասեփականատերեր) ցանկանում են, որ մենք հաղթենք:
Ամենակարևորը՝ սա երկարաժամկետ նախագիծ է։ Ես միշտ այսպես եմ տեսել, Լեոն նույնպես: Մեսսին որպես ֆուտբոլիստ հաղթել է ամեն ինչ։ Նա «Ինտեր Մայամիին» դիտարկում է որպես նախագիծ, որպես ժառանգություն, և ես չեմ կարծում, որ շատ ֆուտբոլիստներ ամեն ինչ այդպես են տեսնում:
Բայց Լեոն գիտակցում է, որ կարող է ոչ միայն փոխել ֆուտբոլի իմիջը այս երկրում, նա կարող է ոգեշնչել հաջորդ սերնդին։ Լեոյի մասին խոսում է ոչ միայն ամբողջ Մայամին, այլ ամբողջ Ամերիկան, ամբողջ աշխարհը»,- Բեքհեմի խոսքերն է մեջբերում The Athletic-ը։ Ինտեր Մայամիի երկու մեկնարկային խաղում Մեսսին դարձել է 3 գոլի և 1 գոլային փոխանցման հեղինակ։
