«Բավարիայի» հարձակվող Սադիո Մանեն կարող է տեղափոխվել «Ալ-Նասր», հայտնում է The Athletic-ի լրագրող Գիլերմո Ռայը:
31-ամյա սենեգալցու ներկայացուցիչը Պորտուգալիայում հանդիպել է սաուդյան ակումբի մարզական տնօրեն Գորան Վուչևիչի հետ՝ քննարկելու հնարավոր տրանսֆերը։
Ավելի վաղ հաղորդվում էր, որ «Բավարիան» համաձայնել է բաժանվել ֆուտբոլիստից 30 միլիոն եվրոյի դիմաց։ Աֆրիկացու գործող պայմանագիրը նախատեսված է մինչև 2025 թվականի ամառը։ Portal Transfermarkt-ը ֆուտբոլիստի արժեքը գնահատում է 25 միլիոն եվրո:
2022/23 մրցաշրջանում եզրային հարձակվողը «Բավարիայի» կազմում անցկացրել է 38 հանդիպում՝ դառնալով 12 գոլի և 6 գոլային փոխանցման հեղինակ։
