«Բավարիան» փոխել է իր կարծիքը կիսապաշտպան Ջոշուա Կիմմիխի ապագայի վերաբերյալ: Ինչպես հայտնում է Kicker-ը, մյունխենյան ակումբը պատրաստ է վաճառել 28-ամյա ֆուտբոլիստին, եթե շահավետ առաջարկ լինի, քանի որ «Բավարիայի» հետ նրա պայմանագրի ավարտին մնացել է 2 տարի։ Նախկինում ակումբը չէր ցանկանում կորցնել Կիմմիխին։
Աղբյուրի համաձայն՝ գերմանացու ձեռքբերմամբ հետաքրքրված են Պրեմիեր Լիգայի մի քանի ակումբներ, այդ թվում՝ «Լիվերպուլը»: Ավելի վաղ հաղորդվում էր, որ Կիմմիխը հետաքրքրված է «Բարսելոնա» տեղափոխվելով։
Կիսապաշտպանը գերմանական ակումբում հանդես է գալիս 2015 թվականի ամառվանից։ Այս ընթացքում նա անցկացրել է 346 պաշտոնական հանդիպում, որոնցում դարձել է 40 գոլի և 94 գոլային փոխանցման հեղինակ։ Portal Transfermarkt-ը գերմանացու արժեքը գնահատում է 80 միլիոն եվրո
