Իտալական «Նապոլին» մեծ հետաքրքրություն է ցուցաբերում «Թոթենհեմի» և Արգենտինայի հավաքականի կիսապաշտպան Ջովանի Լո Չելսոյի նկատմամբ, հայտնում է Sky Sport Italia-ն։
Աղբյուրի փոխանցմամբ՝ իտալական ակումբին դուր է գալիս 27-ամյա ֆուտբոլիստը։ «Նապոլին» արդեն տեղեկություն է խնդրել «Թոթենհեմից» կիսապաշտպանի հասանելիության մասին: Լո Չելսոն ունի նաև իտալական անձնագիր, ինչը ավելացնում է այս տեղափոխման գրավչությունը: Այս պահին կողմերը որոշակի պայմանավորվածություն ունեն հնարավոր գործարքի շուրջ։ Իտալական ակումբը ցանկանում է արգենտինացուն վարձավճարով վերցնել՝ գնելու տարբերակով, մինչդեռ «Թոթենհեմը» ցանկանում է կամ ամբողջական վաճառք, կամ վարձավճար՝ պարտադիր գնմամբ:
2022/23 մրցաշրջանում Լո Չելսոն վարձավճարով հանդես է եկել «Վիլյառեալում»։ Լա Լիգայում արգենտինացու 22 հանդիպումների հաշվին, որոնցում նա դարձել է 2 գոլի և 3 գոլային փոխանցման հեղինակ։ Ֆուտբոլիստի պայմանագիրը «Թոթենհեմի» հետ ուժի մեջ է մինչև 2025 թվականի հունիսի վերջը։ Ֆուտբոլիստի գնահատված արժեքը, ըստ Transfermarkt ինտերնետային պորտալի, կազմում է 14 միլիոն եվրո:
