«Վեսթ Հեմի» կիսապաշտպան Դեկլան Ռայսը 122 միլիոն եվրոյով կտեղափոխվի «Արսենալ»: Անգլիացի ֆուտբոլիստն արդեն հրաժեշտ է տվել «մրճահարներին։
«Չեմ կարող հավատալ, որ 10 անհավանական տարիներ են ավարտվել: «Վեսթ Հեմը» իմ կյանքի մեծ մասն է եղել խաղադաշտում և դրանից դուրս: Հրաժեշտ տալը երբեք հեշտ չէ: Ես անհավանական էմոցիաներ ապրեցի այս թիմում, այդ թվում Պրահայում անցկացրած այդ գիշերը։ Նաև «Վեսթ Հեմում» ես աճեցի որպես մարդ, որպես ֆուտբոլիստ և որպես ավագ: Առաջին իսկ պահից, երբ դարձա թիմի ավագ, հպարտությունից և կիրքից բացի ուրիշ ոչինչ չզգացի։
Իմ կապը երկրպագուների հետ մեծ նշանակություն ունի ինձ և իմ ընտանիքի համար։ Դուք մեզ հետ վերաբերվել եք այնպես, ինչպես ձեր հարազատի է իմ գալու օրվանից։ Շնորհակալություն։ Բոլորը գիտեն, թե որքան յուրահատուկ է «Վեսթ Հեմը»: Շնորհակալ եմ հիանալի հիշողությունների և իմ կյանքի մի քանի լավագույն օրերի համար: Սիրում եմ բոլորիդ»,- գրել է Ռայսը սոցցանցում։
