ՊՍԺ-ի աստղ 24-ամյա հարձակվող Կիլիան Մբապպեն մշտական կապի մեջ է Մադրիդի «Ռեալի» երկու ֆուտբոլիստներ Օրելիեն Չուամենիի և Էդուարդո Կամավինգայի հետ, հայտնում է Defensa Central-ը:
Ըստ աղբյուրի՝ ֆրանսիացի ֆուտբոլիստները պարբերաբար շփվում են, այդ թվում՝ Կիլիանի՝ «սերուցքայինների» ճամբար տեղափոխության մասին։ Այսպիսով, Չուամենին և Կամավինգան լավագույնս տեղյակ են Մբապպեի շուրջ ստեղծված իրավիճակին, բայց չեն կարող հանրությանը բացահայտել նրա ծրագրերը: Այնուամենայնիվ, նրանք կարող են առանցքային դեր խաղալ Կիլիանի՝ «Ռեալ» տեղափոխվելու հարցում:
Հաղորդվում է նաև, որ մադրիդյան թիմի մեծ մասը ոգևորված է Մբապպեի հնարավոր տրանսֆերով և նրան տեսնում է որպես Կարիմ Բենզեմային իդեալական փոխարինողի։ Հիշեցնենք, որ ավելի վաղ հաղորդվում էր, որ Մադրիդի «Ռեալը», ամենայն հավանականությամբ, հաջորդ ամառ կփորձի պայմանագիր կնքել ՊՍԺ-ի 24-ամյա աստղային հարձակվողի հետ։
