Թուրինի «Յուվենտուսն» այլևս հույսեր չի կապում Լեոնարդո Բոնուչիի, Ուեսթոն Մաքքենիի, Դենիս Զաքարիայի և Արթուրի հետ, հայտնում է հայտնի ինսայդեր Ֆաբրիցիո Ռոմանոն։

Ռոմանոյի խոսքերով, այս ֆուտբոլիստներն այլևս չեն մտնում «Յուվենտուսի» ծրագրերի մեջ: Ֆուտբոլիստները մտադիր են հեռանալ։

Ռոմանոն հերքել է նաև «Մարսելի» հետաքրքրությունը Բոնուչիի նկատմամբ տեղեկությունը։

Նշվում է, որ Բոնուչիի հետագա կարիերան ամբողջությամբ կախված կլինի նրա գործակալից, ով շուտով նոր ակումբ կփնտրի իր հաճախորդի համար։ Բոնուչին խաղում է «Յուվենտուսում» արդեն 12 տարի (2010 թվականից, մինչդեռ 2017/18 մրցաշրջանում նա խաղում էր «Միլանում»)։ Ֆուտբոլիստի պայմանագիրը թուրինյան ակումբի հետ ուժի մեջ է մինչև 2024 թվականի հունիսի վերջը։ Ֆուտբոլիստի արժեքը, ըստ Transfermarkt-ի, կազմում է 1,5 միլիոն եվրո։