«Ինտեր Մայամիի» նորեկ Լիոնել Մեսսին պաշտոնական շնորհանդեսից առաջ ներկա է գտնվել իր թիմի մարզմանը, հայտնում է ESPN-ը։
Հիշեցնենք, որ «Ինտեր Մայամին» արգենտինացու տեղափոխության մասին հայտարարել էր հունիսի 7-ին։ Հուլիսի 11-ին, Մեսսին ժամանել է ակումբի բազա, իսկ նախորդ օրը նա բուժզննում է անցել։ Ֆուտբոլիստը ներկա է եղել մարզմանը, սակայն «Ինտեր Մայամին» հրաժարվում է Մեսսիի հետ նկարներ հրապարակել պաշտոնական շնորհանդեսից առաջ։
36-ամյա ֆուտբոլիստի շնորհանդեսը տեղի կունենա հուլիսի 16-ին։ Միջոցառման բոլոր տոմսերն արդեն սպառված են։
