«Չելսիի» հարձակվող Դատրո Ֆոֆանան մոտ է վարձավճարով գերմանական «Ունիոն Բեռլին» տեղափոխվելուն: Այս մասին հայտնում է լրագրող Ֆաբրիցիո Ռոմանոն իր «Թվիթերում»։
Ըստ աղբյուրի՝ կողմերը բանակցությունների վերջնական փուլում են։ Վարձակալության պայմանագիրը չի ներառի ֆուտբոլիստի հնարավոր գնման պայմանները: Ֆուտբոլիստի վերջնական որոշումը սպասվում է շուտով։
Ֆոֆանան «Չելսի» է տեղափոխվել նորվեգական «Մյոլդեից» այս տարվա հունվարին 12 միլիոն եվրոյի դիմաց: 2022/2023 մրցաշրջանի երկրորդ կեսում նա լոնդոնցիների կազմում չորս հանդիպում է անցկացրել բոլոր մրցաշարերում, որոնցում աչքի չի ընկել արդյունավետ գործողություններով։ Ֆուտբոլիստի պայմանագիրը «արիստոկրատների» հետ ուժի մեջ է մինչև 2029 թվականի հունիսի վերջը։ Ֆուտբոլիստի արժեքը, Transfermarkt-ի, կազմում է 10 միլիոն եվրո։
Ավելի վաղ հաղորդվում էր, որ «Չելսին» պատրաստվում է պայմանագիր կնքել «Յուվենտուսի» հարձակվող Դուշան Վլահովիչի հետ։
