«Թոթենհեմի» դարպասապահ Ուգո Լյորիսը կարող է տեղափոխվել ՊՍԺ։

Ինչպես հայտնում է Daily Record-ը, փարիզցիները ցանկանում են պայմանագիր կնքել 36-ամյա ֆրանսիացու հետ, որպեսզի թիմի հիմնական դարպասապահ Ջանլուիջի Դոննարուման փոխարինող ունենա։ Նշվում է, որ ՊՍԺ-ն մտադիր է Լյորիսին ձեռք բերել անվճար, սակայն լոնդոնյան ակումբի ղեկավարությունը չի պատրաստվում պարզապես բաց թողնել իր ֆուտբոլիստին։

Հիշեցնենք, որ Լյորիսը «Թոթենհեմում» հանդես է գալիս 2012 թվականից։ Անցած մրցաշրջանում դարպասապահը բոլոր մրցաշարերում մասնակցել է 31 հանդիպման՝ բաց թողնելով 45 գնդակ և 9 անգամ անառիկ պահել դարպասը։ Ֆրանսիացու տրանսֆերային արժեքը գնահատվում է 3 միլիոն եվրո։