Թուրք 25-ամյա «Ալ-Իթթիֆադի» կիսապաշտպան Բերատ Օզդեմիրը գովաբանել է «Ալ-Նասրի» հարձակվող Կրիշտիանու Ռոնալդուին։ Պորտուգալացու թիմը ոչ-ոքի (1:1) խաղաց «Ալ-Իթթիֆադի» դեմ:
«Ռոնալդուն տիրում է ոչ միայն գնդակին, այլև ամբողջ հանդիպմանը։ Երբ մենք խաղում էինք «Ալ-Նասրի» դեմ, ես վազեցի նրա մոտ և ասացի, որ նա լավագույնն է, ինչից հետո նա շնորհակալություն հայտնեց ինձ։ Կրիշտիանուն իսկապես պատմության մեծագույն ֆուտբոլիստն է»,- մեջբերում է Օզդեմիրին Goal-ը։
Հիշեցնենք, որ Կրիշտիանու Ռոնալդուն «Ալ-Նասրում» հանդես է գալիս 2023 թվականից։ Պորտուգալացի հարձակվողի և ակումբի միջև պայմանագիրը նախատեսված է մինչև 2025 թվականը: Անցած մրցաշրջանում Ռոնալդուն «Ալ-Նասրի» կազմում անցկացրել է 16 հանդիպում՝ դառնալով 14 գոլի և 2 գոլային փոխանցման հեղինակ:
