Մադրիդի «Ռեալը» կարող է վարձակալել «Յուվենտուսի» հարձակվող Դուշան Վլահովիչին, հայտնում է Football Espana-ն։

Աղբյուրի համաձայն՝ իտալական ակումբը նախատեսում է վաճառել հարձակվողին, քանի որ նա դժգոհ էր իր խաղից։ Հաղորդվում է, որ «սերուցքայինները» փնտրում են հարձակվողի, ով կարող է լիովին փոխարինել հեռացած Կարիմ Բենզեմային։

Վլահովիչը «Յուվենտուսում» հանդես է գալիս նախորդ տարվա հունվարից: Ֆուտբոլիստի պայմանագիրը թուրինցիների հետ ավարտվում է 2026 թվականի ամռանը։

2022/23 մրցաշրջանում սերբը բոլոր մրցաշարերում անցկացրել է 42 հանդիպում, դարձել 14 գոլի և 4 գոլային փոխանցման հեղինակ։ Portal Transfermarkt-ը Վլահովիչին գնահատում է 75 միլիոն եվրո։