«Արսենալը» շուտով կհայտարարի «Չելսիի» կիսապաշտպան Կայ Հավերցի հետ պայմանագիր կնքելու մասին, հայտնում է լրագրող Ֆաբրիցիո Ռոմանոն։

24-ամյա գերմանացին երկուշաբթի՝ հունիսի 26-ին, ստորագրել է բոլոր անհրաժեշտ փաստաթղթերը։ Տրանսֆերային գումարը կկազմի 75 մլն եվրո։

Հավերցը միացել է «Չելսիին» 2020 թվականի սեպտեմբերին։ 2022/23 մրցաշրջանում կիսապաշտպանը բոլոր մրցաշարերում թիմի կազմում անցկացրած 47 խաղում դարձել է 9 գոլի և 1 գոլային փոխանցման հեղինակ։

Transfermarkt.com պորտալը ֆուտբոլիստի արժեքը գնահատում է 55 միլիոն եվրո: