Մադրիդի «Ատլետիկոյի» կիսապաշտպան Ժոֆրի Կոնդոգբիան պայմանավորվել է ֆրանսիական «Մարսելի» հետ։
Լրագրող Ֆաբրիցիո Ռոմանոյի տեղեկություններով՝ կիսապաշտպանը համաձայնել է պայմանագիր կնքել ակումբի հետ մինչև 2026 թվականը ևս մեկ տարով երկարաձգելու հնարավորությամբ։
Մոտ ժամանակներս «Մարսելը» պետք է կապ հաստատի Մադրիդի «Ատլետիկոյի» հետ՝ համաձայնեցնելու տրանսֆերը։
Կոնդոգբիան մադրիդյան ակումբի ղեկավարությանը հասկացրել է, որ ցանկանում է հեռանալ։ Նախկինում Ֆրանսիայում ֆուտբոլիստը հանդես է եկել «Մոնակոյում»։
