Դարպասապահ Դավիդ Սորիան, ում տրանսֆերային իրավունքները պատկանում են «Խետաֆեին», հրաժարվել է «Ռեալ» տեղափոխվելուց։ Այդ մասին հայտնում են SER Deportivos-ի լրագրողները։
Աղբյուրը նշում է, որ «արքայական» ակումբը ակնկալում էր պայմանագիր կնքել 30-ամյա դարպասապահի հետ՝ ուկրաինացի Անդրեյ Լունինին փոխարինելու համար, ով կարող է լքել թիմը այս ամառ։
Հարկ է նշել, որ դարպասապահը մադրիդյան գրանդի սան է։
Իսպանիայի առաջնության վերջին մրցաշրջանում Սորիան անցկացրել է 38 հանդիպում, որոնցում բաց է թողել 45 գնդակ։ ։
