«Արսենալը» ցանկանում է ձեռք բերել «Չելսիի» հարձակվող Կայ Հավերցին այս ամառ, հայտնում է Sky Sports-ի լրագրող Ֆլորիան Պլետենբերգը:

Աղբյուրի փոխանցմամբ՝ ակումբների միջև բանակցությունները լավ են ընթանում։ «Չելսին» ֆուտբոլիստի համար ցանկանում է 60 միլիոն ֆունտ (70,2 միլիոն եվրո): Անձամբ Հավերցը, ցանկանում է տեղափոխվել «Արսենալ»։

24-ամյա ֆուտբոլիստը «Չելսիում» է հանդես գալիս 2020 թվականի սեպտեմբերից, պայմանագիրը նախատեսված է մինչև 2025 թվականի հունիսի 30-ը։ 2022/23 մրցաշրջանում նա բոլոր մրցաշարերում թիմի կազմում անցկացրած 47 խաղում դարձել է 9 գոլի և 1 գոլային փոխանցման հեղինակ։

Transfermarkt-ը ֆուտբոլիստի արժեքը գնահատում է 60 միլիոն եվրո: