«Լիվերպուլի» կիսապաշտպան Տիագո Ալկանտարան հաջորդ տարի կլքի ակումբը։

Ինչպես հայտնում է The Athletic-ը, իսպանացին կհեռանա 2024 թվականի ամռանը՝ երբ  ձեռք կբերի ազատ գործակալի կարգավիճակ։ «Կարմիրները» Տիագոյին նոր պայմանագիր չեն առաջարկի:

Հարկ է նշել, որ այս ամառ «Լիվերպուլից» հեռացել են, նաև կիսապաշտպաններ Նաբի Կեյտան, Ջեյմս Միլները և Ալեքս Օքսլեյդ-Չեմբերլենը։

Տիագո Ալկանտարան միացել է «Լիվերպուլին» 2020 թվականի սեպտեմբերին։ Այդ ժամանակից ի վեր կիսապաշտպանը անցկացրել է 97 հանդիպում, որոնցում դարձել է 3 գոլի և 6 գոլային փոխանցման հեղինակ։