«Բորուսիայի» կիսապաշտպան Ջուդ Բելինգհեմը պայմանագիր է կնքել Մադրիդի «Ռեալի» հետ, հայտնում է մադրիդյան ակումբի պաշտոնական կայքը։
19-ամյա անգլիացու հետ պայմանագիրը հաշվարկված է մինչև 2029 թվականի ամառ։ Հունիսի 15-ին անգլիացին կներկայացվի որպես Մադրիդի «Ռեալի» ֆուտբոլիստ։ Հաղորդվում էր, որ տրանսֆերի գումարը կազմել է 103 մլն եվրո։
2022/23 մրցաշրջանում Բելինգհեմը բոլոր մրցաշարերում անցկացրել է 42 հանդիպում՝ դառնալով 14 գոլի և 7 գոլային փոխանցման հեղինակ։ Portal Transfermarkt-ը կիսապաշտպանին գնահատում է 120 միլիոն եվրո։
