«Արսենալը» մոտ է «Վեսթ Հեմի» հետ կիսապաշտպան Դեկլան Ռայսի տրանսֆերի համար ֆինանսական պայմանները համաձայնեցնելուն, հայտնում են բրիտանական լրատվամիջոցները:
«Արսենալը» պատրաստ է մոտ 90 մլն ֆունտ վճարել 24-ամյա ֆուտբոլիստի համար, հայտնում է The Guardian-ը:
Ակումբների միջև բանակցությունները հարթ են ընթանում, և վստահություն կա, որ գործարքը շուտով կավարտվի։
Այսպիսով, «մուրճերի» ավագը կդառնա «Արսենալի» պատմության ամենաթանկ ձեռքբերումը։
