Մադրիդի «Ռեալի» կիսապաշտպան Տոնի Կրոսը մերժել է Սաուդյան Արաբիայի ակումբներից մեկի առաջարկը։ Այս մասին հայտնում է AS-ը՝ Bild-ին հղում անելով։

Աղբյուրի փոխանցմամբ՝ գերմանացի կիսապաշտպանը արաբական ֆուտբոլային հավակնոտ նախագծին միանալու առաջարկ է ստացել, սակայն հրաժարվել է։

Նշվում է, որ արաբական ակումբները հետևում էին իրավիճակին քանի որ, Կրոսի գործող պայմանագրի ժամկետը լրանում է հունիսի վերջին, իսկ Մադրիդի «Ռեալը» դեռ չէր հայտարարել նրա հետ պայմանագրի երկարաձգման մասին։

Նախորդ մրցաշրջանում Կրոսը «Ռեալի» կազմում անցկացրել է 52 հանդիպում բոլոր մրցաշարերում՝ դառնալով 2 գոլի և 6 գոլային փոխանցման հեղինակ։