ՊՍԺ-ի կիսապաշտպան Ջորջինյո Վեյնալդումը, ով նախորդ մրցաշրջանում վարձավճարով հանդես էր գալիս «Ռոմայում», կիսվել է ապագայի մասին իր ծրագրերով։
«Ես դեռ չեմ խոսել ո՛չ «Ռոմայի», ո՛չ ՊՍԺ-ի հետ. Հաջորդ ակումբը կընտրեմ՝ ելնելով իմ ամբիցիաներից։ Այս պահին դեռ ոչինչ չեմ որոշել։
Ես կգնահատեմ իմ իրական հնարավորությունները։ Այնուամենայնիվ, հաստատ կասեմ, որ շատ եմ ցանկանում խաղալ»,- Վեյնալդումի խոսքերն է մեջբերել լրագրող Ֆաբրիցիո Ռոմանոն:
