Մադրիդի «Ռեալի» պաշտոնական կայքը թարմացրել է թիմի մի քանի ֆուտբոլիստների խաղային համարներ։
Մադրիդի «Ռեալի» հարձակվող Վինիսիուս Ժունիորն այժմ հանդես կգա 7 համարով, որը նախկինում զբաղեցնում էր թիմը լքած Էդեն Ազարը։ 20-րդ համարը, որի ներքո հանդես էր գալիս բրազիլացին, այժմ պատկանում է մադրիդցիների նորեկ Ֆրան Գարսիային։ Ռոդրիգոն ստացավ 11-րդ համարը Մարկո Ասենսիոյի հեռանալուց հետո։
Անցած մրցաշրջանում Մադրիդի «Ռեալը» 78 միավորով զբաղեցրեց երկրորդ հորիզոնականը Իսպանիայի առաջնությունում։
