Լա Լիգայի ղեկավարությունը հաստատել է «Բարսելոնայի» «կենսունակության ծրագիրը», հայտնում է ինսայդեր Ժերար Ռոմերոն Twitter-ում: Ակումբը զգալիորեն կրճատել է աշխատավարձը և կկարողանա պայմանագիր կնքել արգենտինացի հարձակվող Լիոնել Մեսսիի հետ։

Աղբյուրի տեղեկություններով՝ կատալոնական թիմը 40 միլիոն եվրոյով կրճատել է ֆուտբոլիստների աշխատավարձերը։

Ավելի վաղ հաղորդվում էր, որ Մեսսիի հայրը մասնակցել է «Բարսելոնայի» նախագահի հետ հանդիպմանը՝ քննարկելու որդու վերադարձի հարցը։

ՊՍԺ-ն վերջերս հայտարարեց 2022/23 մրցաշրջանի ավարտին Մեսսիի հեռանալու մասին։ 35-ամյա արգենտինացին հունիսի 30-ին կդառնա ազատ գործակալ։