Մադրիդի «Ռեալի» վինգեր Վինիսիուսը հրաժեշտ է տվել հարձակվող Կարիմ Բենզեմային, ով հեռանում է մադրիդյան ակումբից։
«Բենզվինի, Վինզեմա… կոչեք մեր դուետը ինչպես ուզում եք: Արդյունքը միշտ նույնն է եղել՝ հաղթանակներ, ծիծաղ, կոչումներ և, առաջին հերթին, մշտական ուսուցման գործընթաց:
Երբ 2018 թվականին Սան Գոնսալոյից չափազանց ամաչկոտ տղան եկավ Մադրիդ, դու առաջինն էիր, որ ողջունեց ինձ։ Ես երբեք չեմ մոռանա դա.
Ես մեծացել եմ քեզ հետ: Մենք միասին հաղթեցինք Իսպանիայում, Եվրոպայում և աշխարհում։ Եվ ես մեծ հպարտությամբ ծափահարեցի երբ դու «Ոսկե գնդակ» ստացար:
Այսօր մենք բաժանվեցինք, բայց ես միշտ կպահեմ մեր տեսանյութերը՝ որպես ոգեշնչում և հիշողություն անմոռանալի ժամանակի մասին: Կարիմ, մենք քեզ շատ կկարոտենք։
Շնորհակալություն ամեն ինչի համար, լեգենդ»,-գրել է Վինիսիուսը:
Այսօր հունիսի 4-ին Մադրիդի «Ռեալը» հայտարարեց մրցաշրջանի ավարտից հետո Բենզեմայի հեռանալու մասին։ Ֆրանսիացի հարձակվողը մադրիդյան ակումբում հանդես է գալիս 2009 թվականից։ Ընդհանուր առմամբ նա «սերուցքայինների» կազմում մասնակցել է 647 հանդիպման, խփել 353 գոլ և կատարել 165 գոլային փոխանցում՝ նվաճելով 25 գավաթ։
