Արգենտինացի հարձակվող Լիոնել Մեսսին շնորհակալություն է հայտնել ՊՍԺ-ին ֆրանսիական ակումբում անցկացրած ժամանակի համար։
«Շնորհակալություն ակումբին, Փարիզ քաղաքին և նրա ժողովրդին այս երկու տարիների համար։ Նրանց ամենայն բարիք եմ մաղթում ապագայում»,- ֆուտբոլիստի խոսքերը մեջբերում է ակումբի մամուլի ծառայությունը։
Այս մրցաշրջանում հարձակվողը փարիզցիների կազմում անցկացրել է 40 հանդիպում՝ դառնալով 21 գոլի և 20 գոլային փոխանցման հեղինակ:
