Մադրիդի «Ռեալի» կիսապաշտպան Տոնի Կրոսը կերկարաձգի պայմանագիրը մադրիդյան ակումբի հետ։
Հաղորդվել է, որ կողմերի միջև ընթացող բանակցությունները վերջնական փուլում են։
«Ես պետք է հարցնեմ ակումբի ղեկավարությանը, թե երբ են նրանք պատրաստվում հայտարարել պայմանագրի երկարաձգման մասին, քանի որ ինչ-որ պահի պետք է մեկնեմ արձակուրդ»,- ասել է Կրոսը:
Նախկինում Կրոսը բազմիցս հայտարարել է «Ռեալում» մնալու իր մտադրության մասին։
Գերմանացի կիսապաշտպանը մադրիդյան ակումբում հանդես է գալիս 2014 թվականի ամառվանից։
Այս մրցաշրջանում 33-ամյա կիսապաշտպանը «Ռեալի» կազմում անցկացրել է 50 հանդիպում՝ դառնալով 2 գոլի և 5 գոլային փոխանցման հեղինակ։
