Անգլիական Պրեմիեր Լիգայի պաշտոնական կայքը հրապարակել է այն մասնագետների ցուցակը, ովքեր հավակնում են մրցաշրջանի լավագույն մարզչի մրցանակին։ Ցուցակում են «Մանչեսթեր Սիթիից» Խոսեպ Գվարդիոլան, «Արսենալից» Միկել Արտետան, «Նյուքասլից» Էդի Հոուն, «Բրայթոնից» Ռոբերտո դե Զերբին, «Աստոն Վիլլայից» Ունայ Էմերին և «Ֆուլհեմից» Մարկո Սիլվան:
Անգլիայի առաջնության ավարտին մնացել է երկու տուր, ինչպես նաև նախապես հետաձգված հանդիպումներ։ «Մանչեսթեր Սիթիին» մեկ հաղթանակ է բաժանում առաջնության չեմպիոնի տիտղոսը նվաճելուց։ Գվարդիոլայի թիմը չորս միավորով գերազանցում է «Արսենալին»՝ մեկ խաղ պակաս անցկացնելով:
