«Լիվերպուլի» պաշտպան Ջո Գոմեսն այս ամառ կարող է հեռանալ թիմից։ Give me sport հրատարակությունը ներկայացնող լրագրող Ռայան Թեյլորի խոսքով՝ մերսիսայդյան ակումբը կհամաձայնի վաճառել անգլիացուն, եթե գրավիչ առաջարկ ստանա։
Նշվում է, որ Գոմեսի վաճառքի դեպքում «Լիվերպուլը» կփորձի փոխարինող գտնել պաշտպանին։
Նախկինում մերսիսայդյան թիմը թիրախավորել էր խորվաթ ֆուտբոլիստ Յոշկո Գվարդիոլին՝ ում տրանսֆերը գնահատվում է 100 մլն եվրո։
Հիշեցնենք, որ Ջո Գոմեսը «Լիվերպուլում» է հանդես գալիս 2015 թվականից, երբ տեղափոխվեց «Չարլթոնից»: 25-ամյա անգլիացին ակումբի հետ նվաճել է բոլոր հնարավոր գավաթները:
