Կատարի շեյխ Ջասիմ բին Համադ Ալ Թանին կատարելագործված առաջարկ է արել գնել «Մանչեսթեր Յունայթեդը», հայտնում է Sky Sports-ը:
Ապրիլի վերջին հաղորդվեց, որ Շեյխը մոտ 5 միլիարդ ֆունտ է առաջարկել ակումբի 100% բաժնետոմսերի համար:
Աղբյուրի համաձայն՝ նոր առաջարկը զգալիորեն գերազանցում է նախորդին։ Նաեւ Ալ Թանին պատրաստ է փակել ակումբի պարտքերը, որոնք կազմում են մոտ 1 մլրդ ֆունտ։
«Մանչեսթեր Յունայթեդի» սեփականատերերը՝ Գլեյզեր ընտանիքը, ցանկանում են ակումբի համար 6 միլիարդ ֆունտ ստեռլինգ:
Գործարար Ջիմ Ռեթքլիֆը նույնպես հավակնում է գնել «Մանչեսթեր Յունայթեդը», և նա պատրաստ է գնել ակումբի բաժնետոմսերի 80 տոկոսը և համաձայն է մնացած 20 տոկոսը թողնել Գլեյզերների հսկողության տակ։
