«Բարսելոնայի» կիսապաշտպան Պեդրին հույս է հայտնել, որ ՊՍԺ-ի հարձակվող Լիոնել Մեսսին կվերադառնա կատալոնական ակումբ։
«Ես անընդհատ շշուկներ եմ տեսնում Մեսսիի վերադարձի հետ կապված։ Ճիշտն ասած, ես կցանկանայի, որ նա վերադառնա «Բարսելոնա»: Իհարկե, դա կախված է ակումբից և Մեսսիից, բայց հուսով եմ, որ դա տեղի կունենա»,- Պեդրիի խոսքերը մեջբերում է El Hormiguero-ը։
Նշենք, որ Մեսսին «Բարսելոնայի» սան է, ով տեղափոխվել է ակումբի ակադեմիա 2000 թվականին, իսկ առաջին թիմում իր դեբյուտը նշել է 2004 թվականին։
