«Ֆիորենտինայի» կիսապաշտպան Սոֆյան Ամրաբատը կարող է կարիերան շարունակել «Բարսելոնայում», հայտնում է ITASportPress-ը։
Աղբյուրի համաձայն՝ իտալական ակումբը պատրաստ է բաց թողնել ֆուտբոլիստին 25 միլիոն եվրոյի դիմաց։ Կատալոնական թիմը շատ է հետաքրքրված կիսապաշտպանով, ով կարող է փոխարինել Սերխիո Բուսկետսին։
Մարոկկացին իտալական թիմում հանդես է գալիս 2020 թվականի ամառից, նրա պայմանագիրը նախատեսված է մինչև 2024 թվականի հունիսը։
Ընթացիկ մրցաշրջանում 26-ամյա կիսապաշտպանը «Ֆիորենտինայի» կազմում բոլոր մրցաշարերում անցկացրել է 45 հանդիպում և կատարել մեկ գոլային փոխանցում:
